№77 (8581) 27

27 қыркүйек 2022 ж.

№76 (8580) 24

26 қыркүйек 2022 ж.

№75 (8579) 20

20 қыркүйек 2022 ж.

Жаңалықтар мұрағаты

«    Қыркүйек 2022    »
ДсСсСрБсЖмСбЖс
 1234
567891011
12131415161718
19202122232425
2627282930 
» » Әскери-техникалық мектепте курсанттардың ант беру рәсімі өтті

Әскери-техникалық мектепте курсанттардың ант беру рәсімі өтті


Қазақстан Республикасы Қорғаныс министрлігі Әскери-техникалық мектебінің Қызылорда қаласындағы филиалының сарбаздары әскери ант берді.


Әскери-техникалық мектеп сарбаздары 40 күндей кәсіби даярлықтан өтті. Бұл биылғы жылы осы мектепті тәмамдап отырған түлектердің бесінші легі. Олар осы уақыт аралығында теориялық, тактикалық дайындықтарды меңгерумен қатар, «Тереңөзек» оқу-жаттығу полигонында екі мәрте қарудан оқ атып үлгерді. Тактикалық дайындықтар мен қаруды қалай қолдану керектігін жете меңгерді. Сабақ барысында жауынгерлік атысқа дайындықтың ерекшеліктерін оқып, әскери-патриоттық тәрбие сағаттарына қатысты.

«Жоспарлы сабақтардың бірінші аптасында курсанттар Қазақстан Республикасы Қарулы күштері мен әскери тәртіп туралы мәліметтер алса, оқудың келесі апталарында теориялық білімдерін іс жүзінде іске асырды. Мектепте қысқа мерзім ішінде қарудан оқ атудан басқа да әскери өмірдің қыр-сырын меңгеруге мүмкіндік мол», – дейді мектеп директоры Рахметулла Мұхамбетов.

Әскери-техникалық мектептерге іріктеу жылына 7 рет өткізіледі. Қызылорда қаласындағы мектеп жылына шамамен 130-дан астам азаматты оқуға қабылдайды.


22 қыркүйек 2022 ж. 69 0