ЖАРАМСЫЗ БЮЛЛЕТЕНЬ ТІРКЕЛГЕН ЖОҚ

Сайлау басталғалы облыста жарамсыз бюллетень тіркелген жоқ. Бұл туралы облыстық сайлау комиссиясының төрағасы Ғалым Баймырзаев мәлімдеді.
Сайлауда азаматтарға үш бюллетень ұсынылады. Түстері де әртүрлі. Яғни біріншісі – мәжіліс, екіншісі – облыстық мәслихат, ал, үшінші бюллетень қалалық немесе аудандық мәслихат депутаттарын партиялық тізімнен таңдайды. Осылайша, үш бюллетень бөлек саналып, нәтижесі де бөлек шығарылады.
- Сағат 11:00-ге дейін сайлаушы бюллетеньді бүлдіріп алған жағдай тіркелген жоқ. Егер байқаусызда бюллетень бүлінсе сол учаскеде АКТ толтырылады. Ол жарамсыз болып саналады, - деді Ғалым Баймырзаев.