Бос жұмыс орындары жәрмеңкесі өтті
Аудан прокуратураның бастамасымен, аудандық жұмыспен қамту орталығының ұйытқы болуымен бос жұмыс орындары жәрмеңкесі өтті. Жыл басынан бері бесінші рет ұйымдастырылған жәрмеңкесінде жаңақорғандықтар жұмыс тапты ма? Жұмысқа қабылдану үшін қандай құжат керек? Біз осыны анықтаған болатынбыз.
Екі айға созылған төтенше жағдай аяқталып, карантиндік режим жеңілдетілді. Қазір нағыз маусымдық жұмыстардың қызған шағы. Әсіресе құрылыс саласына басымдық берілуде. «Жұмыспен қамтудың 2020-2021 жылдарға арналған жол картасы» аясында жұмыс жасайтын мердігер мекемелер құрылысқа жергілікті тұрғындарды қамтуды көздейді. Ұсынылған жұмыс орындарындағы ең төменгі жалақы 85 мың теңгеден кем емес. Әрине еңбек ететін азамат үшін аз жалақы емес. Аталған қызметтерге кімдер орналасуға құқылы? Бұл туралы жәрмеңкені ашқан аудан әкімінің орынбасары Дархан Тұрсынбаев түсіндірді.
– «Жұмыспен қамтудың 2020-2021 жылдарға арналған жол картасы» бойынша қабылданатын жұмысшылардың тең жартысы жұмыспен қату мекемесі арқылы қабылданады. Ал бұл жәрмеңкеге кез-келген жұмыссыз азаматтар қатысуға құқылы. Оның ішінде пробация есебінде тұрған, алимент бойынша берешектері бар жұмыссыз борышкерлерге басымдық беріледі. Жалпы биылғы жылы 706 жаңа жұмыс орыны ашылады деген жоспар бар. Әсіресе құрылыс саласы, оның ішінде әлеуметтік нысандарға басымдық беріледі. Сондықтан жәрмеңке әлі де жалғасын табады. Тек бүгін ғана емес, келесі күні келіп жұмыс берушілерге жолығуға болады. Оған жауапты жұмыспен қамту мекемесі, – деді жауапты маман.
Барлығы 8 жұмыс беруші 185 бос жұмыс орынын ұсынды. Аудан тұрғындары алдымен мердігер компания өкілдерімен сөйлесіп, құжаты және қабілетіне қарай жұмыс берушілерге тіркелді. Бір айта кетерлігі, қызметтің 90 процентке жуығы ер-азаматтарға қатысты. Көлік жүргізу, инженер, бетоншы, сылақшы және тағы басқа. Мәселен, орталық стадионды реконструкциялауды жүргізетін «Сапақ» ЖШС 44 жұмыскерге қызмет беруге дайын.
– Бізге дәнекерлеуші, жұмысшы, бетон құюшы, әрлеуші, сантехник, монтажник қызметкерлері керек. Құрылыс жұмысын жақын арада бастаймыз. Сондай-ақ, «№7 олимпиадалық резервтегі мамандандырылған балалар мен жасөспірімдер мектебінің» газ жылыту қазандығын қайта құру бойынша құрылыс-монтаж жұмысын жасау үшін 11 қызметкер керек. Бұл жұмысқа жауапты «Карамурзаев» дара кәсіпкерлігі. Жұмыс іздеген жандар болса хабарласып келсе болады, – деді участке бастығы Жұмадулла Баязов.
Сонымен қатар «Азрет-жол құрылыс» және «Жанақорған Жібек жолы» ЖШС-де бос орындарға сала мамандарын іздейді. Олардың қызметтері көшелерге орташа жөндеу жұмыстарын жасау. Қыркеңсе ауылдық округіндегі №213 орта мектебін күрделі жөндеу жұмыстары және Жаңақорған кентіндегі жаттығу және стридбол алаңының құрылысының мердігері «Пульс» ЖШС 20 қызметкер іздейді. №125 орта мектебін күрделі жөндеу жұмыстарына жауапты «Ернұр-жетістік» ЖШС 15 жұмысшы ізейді. Аудандық маңызы бар «Кеңес-Бесарық су қоймасы» автомабиль жолдарын орташа жөндеу жұмыстарын жүргізетін мердігер «ҮМІТ» ЖШС-не де жұмысшы керек.
Әлібек ЖАРЫҚБАЕВ
Екі айға созылған төтенше жағдай аяқталып, карантиндік режим жеңілдетілді. Қазір нағыз маусымдық жұмыстардың қызған шағы. Әсіресе құрылыс саласына басымдық берілуде. «Жұмыспен қамтудың 2020-2021 жылдарға арналған жол картасы» аясында жұмыс жасайтын мердігер мекемелер құрылысқа жергілікті тұрғындарды қамтуды көздейді. Ұсынылған жұмыс орындарындағы ең төменгі жалақы 85 мың теңгеден кем емес. Әрине еңбек ететін азамат үшін аз жалақы емес. Аталған қызметтерге кімдер орналасуға құқылы? Бұл туралы жәрмеңкені ашқан аудан әкімінің орынбасары Дархан Тұрсынбаев түсіндірді.
– «Жұмыспен қамтудың 2020-2021 жылдарға арналған жол картасы» бойынша қабылданатын жұмысшылардың тең жартысы жұмыспен қату мекемесі арқылы қабылданады. Ал бұл жәрмеңкеге кез-келген жұмыссыз азаматтар қатысуға құқылы. Оның ішінде пробация есебінде тұрған, алимент бойынша берешектері бар жұмыссыз борышкерлерге басымдық беріледі. Жалпы биылғы жылы 706 жаңа жұмыс орыны ашылады деген жоспар бар. Әсіресе құрылыс саласы, оның ішінде әлеуметтік нысандарға басымдық беріледі. Сондықтан жәрмеңке әлі де жалғасын табады. Тек бүгін ғана емес, келесі күні келіп жұмыс берушілерге жолығуға болады. Оған жауапты жұмыспен қамту мекемесі, – деді жауапты маман.
Барлығы 8 жұмыс беруші 185 бос жұмыс орынын ұсынды. Аудан тұрғындары алдымен мердігер компания өкілдерімен сөйлесіп, құжаты және қабілетіне қарай жұмыс берушілерге тіркелді. Бір айта кетерлігі, қызметтің 90 процентке жуығы ер-азаматтарға қатысты. Көлік жүргізу, инженер, бетоншы, сылақшы және тағы басқа. Мәселен, орталық стадионды реконструкциялауды жүргізетін «Сапақ» ЖШС 44 жұмыскерге қызмет беруге дайын.
– Бізге дәнекерлеуші, жұмысшы, бетон құюшы, әрлеуші, сантехник, монтажник қызметкерлері керек. Құрылыс жұмысын жақын арада бастаймыз. Сондай-ақ, «№7 олимпиадалық резервтегі мамандандырылған балалар мен жасөспірімдер мектебінің» газ жылыту қазандығын қайта құру бойынша құрылыс-монтаж жұмысын жасау үшін 11 қызметкер керек. Бұл жұмысқа жауапты «Карамурзаев» дара кәсіпкерлігі. Жұмыс іздеген жандар болса хабарласып келсе болады, – деді участке бастығы Жұмадулла Баязов.
Сонымен қатар «Азрет-жол құрылыс» және «Жанақорған Жібек жолы» ЖШС-де бос орындарға сала мамандарын іздейді. Олардың қызметтері көшелерге орташа жөндеу жұмыстарын жасау. Қыркеңсе ауылдық округіндегі №213 орта мектебін күрделі жөндеу жұмыстары және Жаңақорған кентіндегі жаттығу және стридбол алаңының құрылысының мердігері «Пульс» ЖШС 20 қызметкер іздейді. №125 орта мектебін күрделі жөндеу жұмыстарына жауапты «Ернұр-жетістік» ЖШС 15 жұмысшы ізейді. Аудандық маңызы бар «Кеңес-Бесарық су қоймасы» автомабиль жолдарын орташа жөндеу жұмыстарын жүргізетін мердігер «ҮМІТ» ЖШС-не де жұмысшы керек.
Әлібек ЖАРЫҚБАЕВ
