ОТАНДЫҚ МУЛЬТФИЛЬМ ЖАРЫҚҚА ШЫҚТЫ

ОҚО-да «Отырарды қорғау» анимациялық фильмі балаларға базарлық болып, көрерменге жол тартты, – деп жазды 24 кз.
Мультфильм Елбасының «Болашаққа бағдар: рухани жаңғыру» бағдарламасы аясында жүзеге асты. Шығармада көне Отырар қаласының тұрмыс-тіршілігі мен мәдениеті, елін сүйетін екі баланың бастан кешкен хикаялары арқылы суреттеледі.
Сондай-ақ, хикаяда әлемдегі екінші кітапхана атанған Отырар кітапханасы мен Әбу Насыр әл-Фараби туралы көптеп мәлімет берілген. Фильм «2D, 3D» форматында жасалған.