Ұшақ балалардың көз алдында құлады

Фото: twitter/ IWM Duxford
Ұлыбританияның Дуксфорд қаласындағы Императорлық соғыс музейі аэродромында жеке ұшақ апатқа ұшырады, - деп хабарлайды Massaget.kz тілшісі. Бұл туралы Tengri Travel Telegraph-қа сілтеме жасап хабарлады.

Дереккөздің мәліметінше, апат 26 наурызда болған. Болжам бойынша, ұшақ апаты сол күні музейде жүрген мектеп оқушыларының көз алдында болған.
Төтенше жағдайдан кейін дәрігерлер қирандылар жанында жатқан адамға жасанды тыныс алдырғанымен, зардап шеккендер жоқ.
"Ұшақтың сынған фюзеляжының түсі және жартылай көрінетін тіркеуі Даксфорд аэродромында тіркелген Cirrus SR-22 Turbo жеке жеңіл ұшағының түсіне сәйкес келеді. FlightRadar24 деректері ұшақтың Даксфордтан сағат 13:21-де ұшып, аэродромды 19 минут айналып өтіп, содан кейін құлағанын көрсетеді", - деп хабарлады музей.
IWM Duxford - жүздеген ұшақтар орналасқан ұшу-қону жолақтары мен көрме ангарлары бар Ұлыбританияның ең үлкен авиациялық музейі.