Дизайнер Жадо әнші жігіттерден топ құрмақ

Сән әлеміне танымал дизайнер Жадо продюсерлікке бет бұрды. Ол әнші жігіттерден топ құрмақ, деп жазады Stan.kz ақпараттық агенттігінің тілшісі.Сән әлемінен қарағанда шоу-бизнесте табысқа кенелуге болатынын түсінді ме, әлде жастарға қолдау көрсетейін деді ме, ол жағы белгісіз. Бір анығы, сәнгер жаңа қызметіне мықтап кіріспек. Ол, тіпті жігіттерден құралған топты жасақтау үшін Қазақстанның 11 қаласында кастинг өткізгелі жатыр.
Іріктеу 7 шілде күні еліміздің Батыс аймағынан басталып, 22 шілде күні Астана қаласымен аяқталмақ. Кастингке қатысу талаптары сәнгер әрі продюсердің жеке парақшасында жазылған.