КІТАПХАНАҒА – КІТАП СЫЙЛАҒАН АҚСАҚАЛ

Ауылымыздың ақсақалы, ардагер ұстаз, зейнеткер Әбдікаримов Жорабек Төлегенұлы кітапханамызға арнайы ат басын бұрып, өзінің жақында «Жебе» баспа үйінен жарық көрген «Сұлулықтан сырға таққан дүние» атты кітабын сыйға тартты.

Жинаққа автордың әр жылдары жүрек сүзгісінен өткізіп, өмірден түйген ой-толғамдары мен сырлы сезімдерін өлең жолдарына өрген шығармалары топтастырылған. Әр өлеңінен ақынның өмірге деген көзқарасы, туған жерге деген сүйіспеншілігі, адамдық пен ізгілікке деген құрметі аңғарылады.

Кітап – автордың рухани әлемінен оқырманға жол тартқан асыл мұра. Ал осындай құнды дүниенің кітапхана қорын толықтырып, ауыл оқырмандарына ұсынылуы – біз үшін үлкен қуаныш.