ЗЕРТТЕУШІ ҒАЛЫМ МУЗЕЙДЕ

Астана қаласындағы Назарбаев Зияткерлік Университетінің (PhD) NU Жаратылыстану, әлеуметтік және гуманитарлық ғылымдар мектебі, саясаттану және халықаралық қатынастар кафедрасының постдокторанты Дукеев Берікбол Мейрхаманұлы Жаңақорған аудандық тарихи-өлкетану музейіне арнайы келді. Іс-сапар мақсаты «1930-1933 жылдардағы қазақ ашаршылығының есте сақталуы» тақырыбында зерттеу жүргізуде. Аталған зерттеу 1930-1933 жылдардағы ашаршылықтың қазіргі қоғамдағы тарихи жадта қалай сақталғанын зерделеуге бағытталған. Зерттеу мақсаты ашаршылық туралы қоғамдық және жеке естеліктердің қалыптасу ерекшеліктерін, ұрпақтар арасындағы жадтың берілу тетіктерін, сондай-ақ бұл тарихи оқиғаның қазіргі ұлттық бірегейлік пен қоғамдық сананың қалыптасуына әсерін анықтау.