Ұлттық құрылтай Қызылордада

Ұлттық құрылтай биыл Сыр елінде, Қызылордада өтіп жатыр. Бұл кездейсоқ таңдау емес. Сыр бойы сақ дәуірінен бері елдік мәселелер шешілген, қазақ хандығының құрылтайлары өткен қасиетті өңір. Оның үстіне Қызылорда бір кезеңде ел астанасы болып, Алаш зиялылары мемлекет негізін қалаған тарихи орталыққа айналды.

Бүгінгі құрылтайда саяси реформалар, әлеуметтік мәселелер, білім тағы басқа елді алаңдатқан түйткілдер ашық талқыланбақ. Бұған дейін Ұлттық құрылтай бастамасымен бірқатар маңызды заңдар қабылданған. Сондықтан тарихи Қызылордада өтіп жатқан басқосудан да нақты шешімдер күтіледі.
Жанель ЖҮСІП