БАЙЗАҚ ҚАЖЫМҰҚАНДЫ ЖЕРЛЕСТЕРІ ҚОШЕМЕТПЕН ҚАРСЫ АЛДЫ

Бүгін Жаңақорған автовокзалында Ақтау қаласында өткен дзюдодан 2009-2010 жылы туылған жасөспірімдер арасындағы ҚР чемпионатында жерлесіміз, Жаңақорған ауданының №7 спорт мектебінің оқушысы 81 кг салмақ дәрежесінде күміс жүлдегер атанған Байзақ Қажымұқанды жерлестері қошеметпен күтіп алды.
Ауданымыздың намысын қорғап жеңімпаз атанған спортшымызды құттықтауға аудан әкімінің орынбасары Бектас Нуридинов, спортшымыздың әкесі Мамбаев Ерлан, Амангелді Абдуллаев атындағы зияткерлік мектеп интернатының директоры Жасұлан Тасболатов қатысты.

Шара соңында спортшымызды жерлестері жүлдесімен құттықтап бірге суретке түсті.