Бүгін аудандық партия филиалының ұйымдастыруымен «Бақытты отбасы» партиялық жобасы аясында «Ынтымағы жарасқан көпұлтты Қазақстан» атты кездесу ұйымдастырылды. Бұл іс-шараның мақсаты — елімізде тұратын түрлі этнос өкілдері арасындағы достықты нығайту, татулық пен бірлікті насихаттау, ұлттық құндылықтарды дәріптеу.
Кездесу барысында өзге ұлт өкілдері өз мәдениеті мен салт-дәстүрлерін таныстырып, қазақ халқымен тығыз байланыста бейбіт өмір сүріп келе жатқанын атап өтті. Қатысушылар отбасы құндылықтары, ұлттық тәрбие, балалар тәрбиесі, өзара сыйластық туралы ой бөлісті. Іс-шара достық пен өзара түсіністік атмосферасында өтті.
Аудандық партия филиалының төрағасы Арман Абілпеисұлы бірқатар аудан тұрғындарын Алғыс хатпен марапаттады.
Бұл кездесу — Қазақстан халқының бірлігін, татулығын паш етіп, жас ұрпаққа үлгі боларлық мәні бар маңызды шаралардың бірі болды.