Адам өмірі – бәрінен қымбат

Шетелдік қақтығыстарға қатысу заңмен реттелетін мәселе. Соңғы жылдары әлемде түрлі қарулы қақтығыстар жиілеп, кейбір азаматтар шетелдегі соғыстарға қатысуға ниет білдіруде.

Алайда бұл әрекеттің артында ауыр зардаптар бар екенін ұмытпа­ған абзал. Қазақстан Республика­сы­ның заңнамасына сай азаматтардың шетелдегі қарулы жанжалдарға қа­тысуы қылмыстық жауапкершілікке алып келетінін ескерген жөн.
Әлемде болып жатқан түрлі саяси және әскери қақтығыстар күн сайын көптеген адамның өмірін қиып, тұрақтылық пен бейбітшілікті бұзуда.
Соңғы жылдары халықаралық аре­нада түрлі әскери қақтығыстар мен зорлық-зомбылық жағдайлары жиі кездесуде.
Бұл жағдайлардың ішкі және сыртқы саясатқа, сондай-ақ аза­маттық қоғамға тигізетін әсері зор. Шетелдік қақтығыстар немесе басқа да ұрыс-қозғалыстарға қаты­сып, құқық бұзғандар үшін ҚР Қылмыстық кодексінің 172-бабына сай қылмыстық жауапкершілікке тарту тағайындалады.
Яғни заң аясында жауапқа тарту кезінде қылмыстық құқық бұзу­шылар бес жылдан тоғыз жылға дейiнгi мерзiмге бас бостандығынан айырылады.
Қазақстан Республикасының аза­маты шет мемлекеттегі қарулы қақтығысқа немесе соғыс қимыл­дарына жалдамалы ретінде емес қасақана қатысқан жағдайда да заңмен жауапқа тартылатынын еске саламыз.
Нақтылай кетсек, құқық бұзушыда жалдамалылық белгілері болмаған кезде қасақана құқыққа сыйымсыз қатысуы жағдайы әшкереленсе, мүлкі тәркіленіп, жеті жылдан он екі жылға дейiнгi мерзiмге бас бостандығынан айыруға жазаланады.
Сонымен қатар, адам өзiнiң қызмет бабын пайдалана отырып жасаған немесе кәмелетке толмаған адамға қатысты жасалған дәл сол іс-әрекеттерде – мүлкi тәркiленiп, Қазақстан Республикасының азамат­ты­ғынан айыра отырып немесе онсыз, он екі жылдан он жеті жылға дейiнгi мерзiмге бас бостандығынан айыруға жазаланады.
Біздің мемлекетіміздің саясаты әрқашан бейбітшілік пен халық­аралық ынтымақтастыққа бағыт­талған.
Әрбір қақтығыс тек аймақтық, халықтық және діни тұрғыдан ғана емес, жалпы адамзаттың қауіп­сіздігіне де қауіп төндіреді.
Бұл қақтығыстарда адам өмірі мен құқықтары бұзылуда, экономика мен қоғамдардың тұрақтылығы зардап шегуде.
Сол себепті, қандай да бір үгіттеулер мен азғырулардан абай болған абзал.
Егер сізді немесе жақын­дарыңызды мұндай әрекеттерге тар­туға тырысса, құқық қорғау орган­дарына хабарлауыңыз қажет. Бейбіт­шілік – әрбір азаматтың ең басты құндылығы!
Аудан прокуратурасы еліміздің тұрғындарын шетелдік қақтығыс­тарға қатыспауға және қатысқан жағдайда туындайтын қылмыстық жауапкершілік жөнінде ескертеді.

Жаңақорған аудандық прокуратурасы