«ҚАРЫЗСЫЗ ҚОҒАМ» ЖОБАСЫ АЯСЫНДА ОҚУ КУРСЫ

«AMANAT» партиясының қаржылық сауаттылықты арттыруға бағытталған «Қарызсыз қоғам» жобасы аясында оқу курстары Жаңақорған ауданында қайта бастау алды.
Оқу курстарына банктер мен микроқаржы ұйымдары алдында 90 күннен астам берешегі бар азаматтар оқытылады. Оларға қарызды реттеуге, қаржылық қиындықтан шығуға жан - жақты көмек көрсетіледі. Сонымен қатар, қаржылық сауаттылық негіздерін, үнемдеу мен табысты арттыруды, алаяқтық әдістерін анықтау жолдары тегін үйретіледі.
Айта кетейік алғашқы оқу курсына 60 аудан тұрғыны қатысты. Оқу курсы апта соңына дейін жалғасын табатын болады.