Партия ашықтықты қолдайды
«Nur Otan» партиясының жауапты хатшысы Арман Қырықбаев Жаңақорған ауданына келіп, ішкі партиялық іріктеуді реттейтін праймеризге дайындық жұмыстарымен танысты.
Аудан әкімі Руслан Рүстемов бастаған топ алдымен М.Көкенов атындағы аудандық мәдениет үйіне тоқтады. Онда праймериз қатысушылары пікірсайысқа түсетін алаңды көрді.
– Жаңақорғандықтардың праймеризге көзқарасы, белсенділігі қалай?
– Өте жақсы қабылдады, белсенділігі де жоғары. 55 адам праймеризге қатысуға бел байлап отыр. Оның 49-ы аудандық мәслихатқа, 5-і облыстық мәслихатқа, 1-і Парламент Мәжілісіне депутат болуға үмітті.
– Ауданда партияның қанша мүшесі бар?
– 3675 мүшесі бар.
– Праймеризге кімдер түсуде?
– 17 әйел, 38 ер адам қатысады. Оның 16-ы жастар болса, 8-і көп балалы ана. Бір зейнеткер бар.
– Праймериз партияның сайлауалды тізіміне енетін кандидаттарының сапалық құрамын мүмкіндігінше жақсартатын тетік. Дода арқылы жүзден жүйрік, мыңнан тұлпарды таңдап алып, соларды тізімге енгізу міндеті тұр. Сондықтан ашықтыққа мән беру керек.
– Әрине ашықтық пен жариялықты басымдық етіп, белсенді, білімді, білікті азаматтарды іріктеуге мән береміз.
Бұл – бас партияның жауапты хатшысы Арман Оразбайұлы пен «Nur Otan» партиясының жұмыстарын ауданда үйлестіріп отырған Мәжит Балқожаұлының өзара пікір алмасуы.
Пікірсайыс алаңына жоғары бағасын берген хатшы барлық қатысушыларға теңдей мүмкіндік жасалу керектігін бас айтты.
Партияның өкілдері одан кейін «Ордакент» ардагерлер және жастар ресурстық орталығындағы дауыс беру пунктінде болып, праймеризге қатысушылармен кездесті.
Праймеризге қатысушы – аудандық орталық кітапхананың директоры Әсемгүл Тілеубергенова: «Праймериз – партияішілік іріктеу ғана емес, елдегі саяси реформалардың бастамасы. Сол себепті оған қатысып, өзімнің потенциалымды танытуға бел байладым, – деді.
Аудандық мәслихаттың депутаты, кәсіпкер Арман Мәжитов болса праймериз жастарға даңғыл жол ашатынын сөз етті. Ал аудандық «Іскер әйелдер» қауымдастығының басшысы Баян Божбанбаеваның сөзінше, праймериз азаматтық қоғамды дамытады.
Партияластарының ықылас-ниетін тыңдаған Арман Қырықбаев:
– Партиялық ашықтықты қолдап, азаматтардың өз-өзін танытуға жол ашады. Яғни партияішілік сайлау шын мәнінде әрбір азамат үшін – нақты әлеуметтік лифт екені айқын. Бұл – нағыз көшбасшы азаматтардың іріктеліп шығып, елге қызмет етуіне барынша жол ашады, – деді.
Кездесу барысында аудан тұрғындарының праймеризге қатысуға белсенділік танытып отырғанын білдік. Әсіресе әйелдер мен жастардың үлесі басым. Бұл – барлық деңгейдегі маслихат депутаттарының кәсіби беделін арттыратыны сөзсіз...
Нұрлат БАЙГЕНЖЕ
Аудан әкімі Руслан Рүстемов бастаған топ алдымен М.Көкенов атындағы аудандық мәдениет үйіне тоқтады. Онда праймериз қатысушылары пікірсайысқа түсетін алаңды көрді.– Жаңақорғандықтардың праймеризге көзқарасы, белсенділігі қалай?
– Өте жақсы қабылдады, белсенділігі де жоғары. 55 адам праймеризге қатысуға бел байлап отыр. Оның 49-ы аудандық мәслихатқа, 5-і облыстық мәслихатқа, 1-і Парламент Мәжілісіне депутат болуға үмітті.
– Ауданда партияның қанша мүшесі бар?
– 3675 мүшесі бар.
– Праймеризге кімдер түсуде?
– 17 әйел, 38 ер адам қатысады. Оның 16-ы жастар болса, 8-і көп балалы ана. Бір зейнеткер бар.
– Праймериз партияның сайлауалды тізіміне енетін кандидаттарының сапалық құрамын мүмкіндігінше жақсартатын тетік. Дода арқылы жүзден жүйрік, мыңнан тұлпарды таңдап алып, соларды тізімге енгізу міндеті тұр. Сондықтан ашықтыққа мән беру керек.
– Әрине ашықтық пен жариялықты басымдық етіп, белсенді, білімді, білікті азаматтарды іріктеуге мән береміз.
Бұл – бас партияның жауапты хатшысы Арман Оразбайұлы пен «Nur Otan» партиясының жұмыстарын ауданда үйлестіріп отырған Мәжит Балқожаұлының өзара пікір алмасуы.
Пікірсайыс алаңына жоғары бағасын берген хатшы барлық қатысушыларға теңдей мүмкіндік жасалу керектігін бас айтты.
Партияның өкілдері одан кейін «Ордакент» ардагерлер және жастар ресурстық орталығындағы дауыс беру пунктінде болып, праймеризге қатысушылармен кездесті.
Праймеризге қатысушы – аудандық орталық кітапхананың директоры Әсемгүл Тілеубергенова: «Праймериз – партияішілік іріктеу ғана емес, елдегі саяси реформалардың бастамасы. Сол себепті оған қатысып, өзімнің потенциалымды танытуға бел байладым, – деді.
Аудандық мәслихаттың депутаты, кәсіпкер Арман Мәжитов болса праймериз жастарға даңғыл жол ашатынын сөз етті. Ал аудандық «Іскер әйелдер» қауымдастығының басшысы Баян Божбанбаеваның сөзінше, праймериз азаматтық қоғамды дамытады.
Партияластарының ықылас-ниетін тыңдаған Арман Қырықбаев:
– Партиялық ашықтықты қолдап, азаматтардың өз-өзін танытуға жол ашады. Яғни партияішілік сайлау шын мәнінде әрбір азамат үшін – нақты әлеуметтік лифт екені айқын. Бұл – нағыз көшбасшы азаматтардың іріктеліп шығып, елге қызмет етуіне барынша жол ашады, – деді.
Кездесу барысында аудан тұрғындарының праймеризге қатысуға белсенділік танытып отырғанын білдік. Әсіресе әйелдер мен жастардың үлесі басым. Бұл – барлық деңгейдегі маслихат депутаттарының кәсіби беделін арттыратыны сөзсіз...
Нұрлат БАЙГЕНЖЕ
