Дана Уайт МакГрегорды Мұхаммед Әли және Майк Тайсонмен салыстырды

6 қазанда ол Лас-Вегаста UFC 229 турнирінде өнер көрсетеді. 

UFC президенті Дана Уайт промоушеннің бұрынғы чемпионы Конор МакГрегорды супер ауыр салмақта әлем чемпионы болған Мұхаммед Әли мен Майк Тайсонмен салыстырды. Оның айтуынша, ол ирландиялықпен танысқан сәттен бастап, болашақ жұлдызды кездестіргенін түсінген, - деп жазады The Irish Sun.

"Ол мен үшін Мұхаммед Әли және Майк Тайсон. Ол біздің әлемге жарып кірді. Біз онымен түскі ас ішіп жатқан кезімізде танысқанда сәттен ақ оның жұлдыз болатынын білдім. Мен оның төбелесе алатынын не чемпион болатынын білмедім, бірақ мен оның жұлдыз болатынын білдім", - дейді Уайт. 

Конор Макгрегор UFC промоушенінде 2016 жылдан бері өнер көрсеткен жоқ. 6 қазанда ол Лас-Вегаста UFC 229 турнирінде өнер көрсетеді. Ол онда ұйымның чемпионы ресейлік Хабиб Нурмагомедовпен кездеседі.