Балуандар бабында: қос алтын, бір күміс

Алматы төрінде күрес түрлерінен Қазақстан чемпионаты пандемияға байланысты жабық форматта өтіп жатыр. Чемпионатқа жаңақорғандық 4 балуан Сыр елінің намысын қорғауда. Күні кеше Дәулет Ниязбеков 8-дүркін Қазақстанның чемпионы атанды. Енді Дәулеттен Олимпиада алтынын күтеміз.
Жаңа ғана марқұм Қайрат аға Оралбековтың шәкірті Қанат Мұсабеков 70 келі салмақта ел чемпионатының күміс жүлдегері атанды. Қарсыласы Нұрқожа Қайпанов әлем чемпионатының жүлдегеріне жол берді. 79 келіде Ғалымжан Өсербаев алматылық қарсыласын 11:0 есебімен жеңіп, чемпионат жеңімпазы атанды.
Ал Азамат Шағапұлы ширек финалда сүрінді.
Жеңіс құтты болсын Сыр елі, жаңақорғандық балуандар бабында екенін көрсетті. Сүйіншілейтін күндер көп болсын.