Бұйырғаны қола
Ақмола облысы Щучинск қаласында волейболдан 2007-2008 жылы туылған жасөспірімдер арасында ҚР күзгі чемпионатында Сыр спортшылары қоланы қанағат тұтты. №8 мектептің волейболшыларын Батырқожа Бабаев баптайды. Команда сапында қос жаңақорғандық Ғазиз Ізатуллаұлы мен Нұрсерік Тұрсынбай өнер көрсетті.
Ал Шымкент қаласында өткен волейболдан 2005-2006 жылдары туылған жасөспірімдер арасында ҚР-ның күзгі чемпионатында Қызылорда жігіттері алтынды мойынға тақты. 16 команданың арасында үздік ойын өрнегін көрсеткен Сыр волейболшылары керемет нәтижеге қол жеткізді. Қалдыбек Руслан, Қалдыбек Бағлан, Сайрамбек Бекнұр, Әбілаш Досымжан, Әлден Жанарыс, Досмағанбет Бекарыс жəне Балтабай Айбол сынды волейболшылардан құралған команда Сыр мерейін тасытты. Команданы баптайтын Батырқожа Бабаев жəне Мұрат Мұхамадиев болатын.
Әлібек ТЕМІРБЕК
