Адам денесінің буын-буындарының бәрінде шығу мүмкіндігі болады. Көбірек шығып адамға әурешілік  салатын жақ сүйектің , мойын сүйегінің, қары жіліктің, иықтың, тізе сүйегінің, қызыл асықтың (тобық) шығуына орай оны халық  емшілерінің қалай салатыны жөніндегі тәжірибесі туралы оқырман қауымды  хабардаретсек дейміз. Бәлкім бірде болмаса бірде пайдасы тиіп қалар.
Жақ сүйегі көбірек қатты күлуден, қатты есінеуден шығады. Жақ сүйегі шыққан адамның тілі салақтап бір нәрсені жұта алмайтын болып қалады. Мұны салудың әдісі:орамалды суға салып сығыптастап иекті мойыннан тартып орап қояды.Онан соң иекті орамалмен қоса ұстап сәл көтеріңкіреп келіп шорт басып қалса жақ сүйек орнына түсе қалады. Орнына түскеннің белгісі – адам тілін жиып әуелгі қалпына келеді. Жақ сүйегі шығуға онан әрі көңіл бөлінбесе, ойнамалы болып әдетке айналып кетеді.