Сырдың бас қаласында атқарылып жатқан жұмыс аз емес. Бір ғана жол жөндеу бойынша 97 көшені салу, қайта жаңғырту, күрделі және орташа жөндеу жұмыстары жүргізілуде. Бұдан бөлек 54 көшеге жаяу жүргінші жолы салынып, 81 көше жарықтандырылуда. Сонымен қатар әуежайдан Бейбарыс сұлтан көшесіне дейінгі аралық, Шиеліден кіреберіс жол, Яссауи, Жаппасбай батыр көшелері, Тәуелсіздіктің 25 жылдығы даңғылы кеңейтіліп жатыр. Ал «ҚазАвтоЖол» ұлттық компаниясы «Қызылорда-Құмкөл» автомобиль жолын қайта жаңғыртады.