АЗАМАТТАРДЫҢ ӨТІНІШ-ТІЛЕКТЕРІ НАЗАРҒА АЛЫНДЫ

«AMANAT» партиясы Жаңақорған аудандық филиалы жанындағы партиялық бақылау комиссиясының төрағасы Қалдарбек Айдарұлы Тұрабаев партияның қоғамдық қабылдау алаңында тұрғындарды жеке мәселелері бойынша қабылдады.
Қабылдауға келген әйел азаматтар өздерін толғандырған әлеуметтік мәселелер мен ұсыныс-пікірлерін ортаға салып, көкейкесті сауалдарын жеткізді. Қабылдау барысында әрбір өтініш мұқият тыңдалып, заң аясында түсіндірмелер берілді. Сонымен қатар көтерілген мәселелердің оң шешімін табу бағытында тиісті мекемелермен бірлесіп жұмыс жүргізу жолдары қарастырылды.
Азаматтардың өтініштері назарға алынып, олардың орындалуын бақылауға алу жөнінде нақты тапсырмалар берілді. Мұндай қабылдаулар халық пен билік арасындағы байланысты нығайтып, тұрғындардың түйткілді мәселелерін дер кезінде шешуге мүмкіндік береді.

#AMANAT