ЖАҢА ЖОЛДАУ - ЗАМАН ТАЛАБЫ

Мемлекет басшысы Қасым-Жомарт Тоқаев «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» тақырыбында жолдау жасап, болашаққа бағытталған амбициялық жобаларды жариялады. 
Президент жаһандық сын-қатерлер мен тұрақсыздыққа қарамастан, Қазақстан алға жылжуы тиіс екеніне баса назар аударды. Ол биліктің әлеуметтік-экономикалық тұрақтылықты, қауіпсіздік пен дамуды қамтамасыз ету миссиясын нақты белгіледі. Бірақ бұл жолы әңгіме тек бір сәттік шаралар туралы болған жоқ. Қасым-Жомарт Тоқаев ұзақ мерзімді стратегияны ұсынды, оның негізінде әділдік, заңдылық және халықтың өз күштеріне деген сенім жатыр.
Цифрландыру мен жасанды интеллект бағытына ерекше мән беру – еліміздің техникалық бәсекеге қабілеттілігін арттыруға сеп болады.
Бизнесті қолдау, заңнаманы жеңілдету, тексерулерді реттеу деген сияқты нақты іс-шаралар ұсынылғаны маңызды. 
Саяси реформа туралы бастама - бір палаталы Парламентке көшу ұсынысы - демократиялық жаңғыртудың көрінісі болуы мүмкін. 
Бұл Жолдау - үлкен армандарға бет бұру жолындағы бағдар. Бірақ мұны жүзеге асыруда ең маңыздысы - іс. Сөзден іске көшу - халықтың сенімін нығайтады.