«Есіктен – есікке» акциясы жалғасуда

«Nur Otan» партиясы «Есіктен – есікке» акциясы аясында Респу­бликасы Парламенті Мәжілісінің VІ шақырылымының депутаты Балаим Кесебаева Сунақата ауылдық ок­ру­гіндегі Азия Қыстаубаеваның шаңырағына арнайы барды. Топ құрамында «Nur Otan» аудандық филиалы төрағасының бірінші орын­басары Мәжит Балқожаев, «Жаңа­қорған тынысы» газетінің бас редакторы Нұрлат Байгенже, ау­дан­дық кітапхананың директоры Әсемгүл Тілеубергенова, №195 мек­теп-лицейдің директоры Жанат Жүсіпова болды.

Елге белгілі азаматтар елдік мәселе төңірегінде әңгіме айтып, партияның сайлауалды бағдар­ламасы жөнінде ойларымен бөлісті. Қоғамдағы өзекті мәселелер де әңгімеден тыс қалмады. Әсіресе кәсіпкерлікті дамыту, заманауи білім дағдыларын меңгеру, жастардың бәсекеге қабілетті болуы және т.б турасында сөз қозғады.
Одан кейін Жаңақорған кентінің тұрғыны, «Nur Otan» партиясының ардагері Әбіл Сейданов пен Тыл және Еңбек ардагері Елейсіз Сейдеметовтің шаңырағына тоқ­тады. Ұл-қыздарын саналы білім, тәлімді тәрбие сіңіріп, перзенттерін аяқтандырған қарияларды 16 желтоқсан – Тәуелсіздік күнімен құттықтады. Қазақ дархан пейілді халық ғой. Төрін ұсынып, ыстық ықылас-ниетін жеткізіп, батасын берді.
Парламент Мәжілісіне депутат­тығына үміткер Балайым Кесебаеваның келесі күнгі сапары Жаңарық ауылдық округінде жалғасты.
Кездесу барысында тұрғындар көкейдегі сауалы мен ұсыныстарын білдірді. Сонымен қатар дамудың даңғыл жолын таңдаған «Nur Otan» партиясына сәттілік тілеп, сайлауда дауыс беретіндерін жеткізді.

«Nur Otan» партиясы Қызылорда облысы
Жаңақорған аудандық сайлау қорының қаражатынан төленді