Иә, биыл осы жағдай тағы да қайталана ма деген жұрт енді нағыз айқасты көретін болады. 1-мамыр күні Каталонияға қонаққа баратын ағылшындық клубтың жеңетінен көбі күмәнмен қарайды. Тіпті, букмекерлік кеңселердің өзі Барселона жеңеді дегенді растап отыр.

Иә, қазір жұрттың бәрі қос ойынға инвестиция құя бастады. Букмекерлік кеңселер, мәселен 1ХВЕТ болса алғашқы ойында Ливерпуль жеңеді дегенге 4,34 коэффицентті берсе, алаң иелері жеңеді дегенге 1,86 коффицентті көрсетуде. Ал, тең ойынға 3,98 көрсетті. Демек, Клопп шәкірттері бұл ойында жеңіске жету мүмкіндігі өте аз деген сөз. Алайда, ағылшындық клубтардан көп нәрсені күтуге болады.

Мерсисайдтың клуб осыған дейін Лича Чемпионды 3 рет жеңіп алған болса, каталондықтарға бас бәйге бес рет бұйырыпты. Жалпы, бұл турнирдің ең көп жеңімпазы Мадридтің Реал клубы. Олардың еншісінде 11 кубок бар.

Осыған дейін Ливерпуль мен Барселона 9 мәрте кездесіпті. 4 рет Еуропа Лигасында, 4 рет Чемпиондар Лигасында жолыққан. Тек бір мәрте ғана Халықаралық чемпиондар кубогында кездескен болса, испандық ұжым 2 рет жеңген. Ал, ағылшындық клуб 4 рет басым түссе, қалған үш ойын тең дәрежеде өткен.

1976 жылғы Еуропа лигасында қос ойында Ливерпуль келесі кезеңге өтсе, 2001 жылы осы көрсеткіш қайталанған.

2001 және 2007 жылғы Чемпиондар Лигасында барсалық жігіттердің мерейі үстем болыпты.

Ал, соңғы халықаралық кубок жолында, 2016 жылы Барселона қарсыласына 4:0 есебімен жол берген.

Міне, қос мықты арасындағы нәтиже осындай. Енді әлем жанкүйерлері асыға күтіп отырған кездесуге де аз ғана уақыт қалды. Бақ шаба ма, бап шаба ма оны алдағы уақытта көретін боламыз. Алайда, көпшілік Ливерпульдің өткенін қалайды...