"Найман" келесі жекпе-жегінің өтетін күні мен орнын атады
Аралас жекпе-жек бойынша өнер көрсететін қазақстандық файтер (ММА) Қуат "Найман" Хамитов келесі жекпе-жектің өтетін күні мен орнын атады, - zhanaqorgan-tynysy.kz деп хабарлайды Tengrinews.kz-ке сілтеме жасап.
Хамитов Instagram әлеуметтік желісіндегі парақшасында 27 желтоқсанда Мәскеудегі Fight Nights Global турнирінде жұдырықтасатынын жазған. Оның қарсыласы кім екені әлі белгісіз.
Естеріңізге салсақ, Хамитовтың соңғы жекпе-жегі 2017 жылдың қарашасында Алматыдағы Fight Nights 80 турнирінің негізгі шайқасында өткен. Ол төрешілердің басым көпшілігінің дауысымен ирландиялық Питер Куиллиді жеңді, бірақ кейінірек ММА федерациясы нәтижені тең қылып өзгертті.
