13 минутта робот жасау
Даниялық ғалымдар 13 минутта робот жасау жүйесін дайындады, – деп жазды hi-news.ru сайты.
Бүгінде қарапайым әрекеттерді орындайтын роботтарды құрастыруға сұраныс көп. Осы тұста, Даниядағы Копенгаген IT университетінің ғалымдары небәрі бірнеше мотордың көмегімен қарапайым қозғалыстарды жасайтын робот құрастырды. Механикалық концептіге ие роботты құрастыруға бар болғаны 13 минут уақыт кетеді. Роботты жасайтын жүйе өзін өзі дамыту арқылы үдерісті күрделі сипатқа енгізе алады. Әзірге робот қарапайым қозғалыстарды орындайды. Идеяның авторлары бұл жүйені ғарышты игеруде қолдануға болатынын айтады. Мысалы, ғарыштағы жөндеу жұмыстарына арналған көптеген боттардыңорнына, қарапайым механизмге ие роботты қолдану тиімдірек болмақ. Қазіргі таңда, IT мамандары жаңа робот идеясын дамыту үшін оған сенсор және камера қосуды ойластыруда.
