"Елімізде ауру жұқтырғандармен қатар өлім жағдайының да өскені байқалады. Наурыз айында ақпанмен салыстырғанда коронавирустан қайтыс болғандар саны 1,4 есеге артқан. Өлім-жітімнің 57 пайызы Нұр-Сұлтан мен Алматы қалаларында және Алматы облысында тіркелген", - дейді ол. Министрдің сөзінше, елдегі эпидемиологиялық ахуалға байланысты қосымша шектеу шаралары қабылданып жатыр. Бүгінде Қазақстан бойынша 30 109 төсек-орын әзірленген. Олардың 41 пайызында науқастар жатыр. Төсек-орындардың бос еместігі әсіресе Алматы мен Нұр-Сұлтан қалаларында және Алматы облысындағы ауруханаларда байқалуда. Цойдың айтуынша, мұнан бөлек 32 064 төсек-орынға шақталған резервтік қор бар. Бұған қоса, Нұр-Сұлтан мен Алматы қалаларында резервте тұрған қосымша төсек-орын бар. Ол әр қалада шамамен 1 200-ді құрайды. ТАҒЫ ДА ОҚЫҢЫЗДАР QazCovid-in жасаған ғалым: Біз вакцинаның зиянсыз екеніне кепілдік бере аламыз "12 наурыз бен 12 сәуір аралығында ауруханаға жатқызылғандар саны 4 713-тен 12 349-ға дейін, яғни 2,6 есеге өсті. Инфекциялық стационарлардағы реанимациялық төсек-орындардың саны 2752-ні құрайды, олардың 27 пайызы бос емес. Соның ішінде Нұр-Сұлтанда 66 пайыз, Алматыда төсек-орындардың 50 пайызы бос емес. Жансақтау бөлімшесіндегі пациенттер саны 2,4 есеге артты. Эпидемиологиялық жағдайдың ушығып тұрғанын ескере отырып, өңір әкімдері үнемі мониторинг жүргізіп отыруы керек. Сондай-ақ жедел әрекет етіп, алдын алу және эпидемиологияға қарсы шаралар қабылдауы тиіс", - дейді Алексей Цой.